A Asemblea de Cooperación pola Paz, en colaboración co Concello de Ames, organizaron unha exposición sobre a realidade social de Guinea Bissau que permanecerá exposta na Casa da Cultura do Milladoiro entre o 15 e o 30 de novembro. Nesta mostra fotográfica, que está composta por vinte instantáneas, relátase como é a vida neste país africano. A Asemblea de Cooperación pola Paz desenvolve varios proxecto neste país co obxectivo de garantirlle os servizos sociais básicos da súa poboación. Esta exposición está financiada pola Xunta de Galicia.
O Concello de Ames ofrece a toda a veciñanza amiense unha ampla programación cultural para todos os públicos. A miúdo organízanse numerosas actividades nas casas da cultura de Bertamiráns e do Milladoiro. A estas actividades tamén se suman exposicións de pintura ou outro tipo de artes que normalmente se poden visitar no Pazo da Peregrina ou na Casa da Cultura do Milladoiro.
Deste xeito, a Asemblea de Cooperación pola Paz, en colaboración co Concello de Ames, organizaron a exposición "A outra cara de Guinea Bissau", que trata a realidade social deste país africano. A mostra estará exposta na Casa da Cultura do Milladoiro dende o 15 ata o 30 de novembro. Esta exposición está composta por vinte fotografías que foron realizadas por varios membros da Asemblea de Cooperación pola Paz durante os últimos tres anos.
A través desta exposición a Asemblea de Cooperación pola Paz pretende achegarlle á veciñanza amáiense a realidade social de Guinea Bissau, os problemas que ten a poboación deste país africano e os proxectos que se están realizando alí. Algúns dos proxectos que se están desenvolvendo nestes momentos están encamiñados á formación de profesionais para evitar a transmisión do sida e doutras enfermidades de transmisión sexual.
Ademais, dende o 2008 estase desenvolvendo un proxecto, que está financiado pola Xunta de Galicia, co fin de construír centros de atención para as persoas enfermas de sida. Tamén traballan apoiando o sistema de saúde e para dotar as pequenas aldeas deste país de centros de atención primaria e escolas de enfermería.
A exposición poderase visitar en horario de mañá, de 8:30 h a 14:00 h, e de tarde, de 16:30 h a 22:30 horas.
RSS
